August 9, 2022

लाखाची लाच घेतली,नायब तहसीलदार ताब्यात !

लाखाची लाच घेतली,नायब तहसीलदार ताब्यात !


माजलगाव – मंडळ अधिकार्‍याची चौकशी करावी असा अर्ज देऊन त्यामध्ये पैशाची तडजोड करून ते स्वीकारत असताना शेतकरी संघटनेचा जिल्हाध्यक्ष अशोक नामदेवराव नरवडे व त्यांच्यासाठी मध्यस्थी करणार्‍या पुरवठा विभागाचा नायब तहसीलदार सैदुराम तुकाराम कुंभार (राजे) यांना शुक्रवारी (दि.31) लाच स्वीकारताना लाचलुचपत प्रतिबंधक विभागाच्या पथकाने माजलगावात रंगेहाथ पकडले.

शेतीरस्त्यासाठी येथील मंडलाधिकारी हे शेतकर्‍याला त्रास देत आहेत व पैशांची मागणी करीत आहेत अशा प्रकारची तक्रार अशोक नरवडे याने दिली होती. या तक्रारीची चौकशी नायब तहसीलदार (पुरवठा कुंभारराजे यांच्याकडे सोपविण्यात आली होती. या प्रकरणात तक्रार मागे घेण्यासाठी कुंभारराजे यांनी मध्यस्ती करून एक लाख रुपयात सेटलमेंट केली.

या प्रकरणी मंडळ अधिकारी यांनी लाचलुचपत विभागाकडे तक्रार केल्यानंतर कुंभारराजे यांच्या घरी एक लाख रुपयांची लाच घेत असताना कुंभारराजे व अशोक नरवडे यांना उपअधीक्षक भारतकुमार राऊत व त्यांच्या पथकाने रंगेहाथ पकडले. शेतकरी संघटनेचा जिल्हाध्यक्ष व नायब तहसीलदार हे लाचलुचपतच्या जाळ्यात सापडल्यामुळे एकच खळबळ माजली आहे. ही कारवाई एसीबीचे पोलीस अधीक्षक राहुल खाडे, अप्पर अधीक्षक विशाल खांबे यांच्या मार्गदर्शनाखाली उपअधीक्षक भारत राऊत, पो.नि.रवींद्र परदेशी, पोलीस अंमलदार सुरेश सांगळे, हनुमान गोरे, श्रीराम गिराम, सुदर्शन निकाळजे, अमोल खरसाडे, चालक अंमलदार गणेश म्हेत्रे यांनी केली.

जाहिरात

जाहिरात

जाहिरात

जाहिरात

जाहिरात

जाहिरात

जाहिरात

जाहिरात

न्यूज अँड व्युज

न्यूज अँड व्युज
वीस वर्षांपासून प्रिंट आणि इलेक्ट्रॉनिक मीडिया च्या माध्यमातून पत्रकारिता केल्यानंतर आता सोशल प्लॅटफॉर्मवर आम्ही घेऊन आलो आहोत न्यूज अँड व्युज हे ऑनलाइन वेब पोर्टल .बातमी अन त्यामागील भूमिका यासोबतच देश,विदेश, गाव गाड्याच्या अपडेट बातम्या आणि थेट लाखो लोकांपर्यंत तुमच्या व्यवसायाची जाहिरात करण्यासाठीच एक तुमचं हक्काचं व्यासपीठ .

जाहिरात

जाहिरात

Leave a Reply

Your email address will not be published. Required fields are marked *

//updated on 06012022 disable right click