July 6, 2022

परळीतील तलाठी कार्यालयासह रस्त्यांसाठी 29 कोटी !

परळीतील तलाठी कार्यालयासह रस्त्यांसाठी 29 कोटी !

मुंबई – बीड जिल्ह्याचे पालकमंत्री धनंजय मुंडे यांनी केलेल्या मागणीनुसार परळी मतदारसंघातील 13 तलाठी कार्यालये व निवासस्थानांची उभारणी व 7 महत्वाच्या रस्त्यांच्या रुंदीकरण व सुधारणा कामे यासाठी हिवाळी अधिवेशनातील पुरवणी मागण्यांमधून एकूण 29.13 कोटी रुपयांच्या कामांना निधी मंजूर करण्यात आला असल्याची माहिती धनंजय मुंडे यांनी दिली आहे.

परळी तालुक्यातील 13 तलाठी कार्यालये व निवासस्थाने त्या-त्या सज्जाच्या ठिकाणी उभारणीच्या कामांसाठी पुरवणी मागण्यांमधून एकूण 3.18 कोटी रुपये निधी मंजूर करण्यात आला आहे.

त्याचबरोबर परळी व माजलगाव या दोनही मतदारसंघातील महत्वाच्या लवूळ-पात्रुड-गोवर्धन-जीवणापूर या 55 किमी रस्त्याचे रुंदीकरण, सुधारणा व लहान पुलाच्या कामासाठी 4.5 कोटी रुपये त्याचप्रमाणे खोडवा सावरगाव-दैठणा-अंतरवेली रस्त्यासाठी 3 कोटी रुपये निधी मंजूर करण्यात आला आहे.

त्याचप्रमाणे अंबाजोगाई ते मांडवा-मांडेखेल-नाथरा-सोनपेठ या रस्त्याच्या सुधारणा कामासाठी 4 कोटी, हिंगणी-आमला-कांनापूर-बोधेगाव-सोनहीवरा या रस्त्याच्या रुंदीकरण, सुधारणा व पुलाच्या कामासाठी 6 कोटी रुपये, टोकवाडी-नागापूर-नागपिंप्री-बोधेगाव या रस्त्याच्या रुंदीकरण, सुधारणा व पुलाच्या कामासाठी मिळून 6 कोटी रुपये आणि अंबाजोगाई-गित्ता-जवळगाव या रस्त्याच्या रुंदीकरण व सुधारणा कामासाठी 2.45 कोटी रुपये मंजूर करण्यात आले आहेत.

मतदारसंघातील विकासकामांसाठी 29.13 कोटी रुपये निधी मंजूर केल्याबद्दल धनंजय मुंडे यांनी अर्थमंत्री तथा उपमुख्यमंत्री अजितदादा पवार व राज्य शासनाचे आभार मानले आहेत. तसेच या कामांना प्रशासकीय मान्यता मिळवून लवकरच निविदा प्रक्रिया राबविण्यात येईल असेही धनंजय मुंडे यांनी म्हटले आहे.

जाहिरात

जाहिरात

जाहिरात

जाहिरात

जाहिरात

जाहिरात

न्यूज अँड व्युज

न्यूज अँड व्युज
वीस वर्षांपासून प्रिंट आणि इलेक्ट्रॉनिक मीडिया च्या माध्यमातून पत्रकारिता केल्यानंतर आता सोशल प्लॅटफॉर्मवर आम्ही घेऊन आलो आहोत न्यूज अँड व्युज हे ऑनलाइन वेब पोर्टल .बातमी अन त्यामागील भूमिका यासोबतच देश,विदेश, गाव गाड्याच्या अपडेट बातम्या आणि थेट लाखो लोकांपर्यंत तुमच्या व्यवसायाची जाहिरात करण्यासाठीच एक तुमचं हक्काचं व्यासपीठ .

जाहिरात

जाहिरात

जाहिरात

Leave a Reply

Your email address will not be published. Required fields are marked *

//updated on 06012022 disable right click